Avqustun 30-da N.Tusi adına Şamaxı Astrofizika Rəsədxanasında (ŞAR) növbəti astroseminar keçirilib.
Seminara rəhbərlik edən professor Nəriman İsmayılov iştirakçıları salamlayıb və onlara məruzənin mövzusu haqqında məlumat verib.
Sonra ŞAR-ın “Planetlər və kiçik səma cisimləri“ şöbəsinin elmi işçisi Zabit Fərziyev “N.Tusi adına Şamaxı Astrofizika Rəsədxanasında (2014-2021-ci illər ərzində) nəhəng planetlərin tədqiqi (Ι)” mövzusunda məruzə ilə çıxış edib.
Seminarda nəhəng planetlərin atmosferlərində baş verən fiziki proseslərin öyrənilməsinin zəruriliyi, hadisələrin tədqiqi üçün ŞAR-dakı cihaz təminatı və onların köməyi ilə alınmış planet spektrlərinin emalı metodikasından bəhs olunub.
Çıxışın sonunda mövzu ətrafında geniş müzakirələr aparılıb, seminar iştirakçılarını maraqlandıran suallar cavablandırılıb.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
