27 mart - Elm günündə N.Tusi adına Şamaxı Astrofizika Rəsədxanasının baş direktoru, AMEA-nın müxbir üzvü Namiq Cəlilov Azərbaycan Milli Elmlər Akademiyasının (AMEA) diplomu ilə təltif olunub.  

Alim bu mükafata AMEA Rəyasət Heyətinin 13 mart 2023-cü il tarixli qərarı ilə əsərlərinə ən çox istinad edilməsində fərqləndiyinə görə layiq görülüb.   

Qeyd edək ki, alimlərin fəaliyyətinin, onların elmi tədqiqatlarının əhəmiyyətinin qiymətləndirilməsi bir sıra elmmetrik parametrlərə əsasən müəyyənləşdirilir. Elmin qiymətləndirilməsində başlıca meyar olaraq isə elmi əsərlərə olunan istinadların sayı və Hirş indeksinin səviyyəsi əsas götürülür. 

Elm Günü ilə əlaqədar Fizika, Riyaziyyat və Texnika Elmləri Bölməsi (FRTEB) üzrə AMEA-nın üzvlərinin elmmetrik göstəricilərini əks etdirən reytinq cədvəllərinin tam siyahısı ilə tanış olmaq üçün keçiddən istifadə edə bilərsiniz.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.