Sentyabrın 30-da AMEA N.Tusi adına Şamaxı Astrofizika Rəsədxanasında (ŞAR) Elmi Şuranın növbəti iclası keçirilib.

Tədbiri   elmi  şuranın   sədri,  AMEA-nın  müxbir   üzvü  Namiq  Cəlilov   açaraq,  gündəlikdə  duran   məsələlər  barədə  şura  üzvlərinə məlumat  verib.

İlk olaraq iclasda 2022/23-cü tədris ilində ŞAR magistraturasına qəbul olmuş gənc tədqiqatçılara rəsədxananın yaranma tarixi, astronomiya və asrofizika sahəsində böyük nailiyyətləri olan görkəmli elm xadimləri haqqında məlumat verilib. ŞAR-da aparılan elmi tədqiqatlarda aparıcı alimlərlə yanaşı, gənclərin də iştirakını xüsusi vurğulanıb.

Sonra magistrantların elmi rəhbərləri, mövzuları, o cümlədən 2022/23-cü il üçün tədris planı müzakirəyə çıxarılaraq təsdiq olunub.

Daha sonra ŞAR-ın Çex Respublikasında elmi ezamiyyətdən qayıdan əməkdaşı - "Qoşa ulduzlar və eruptiv proseslər" şöbəsinin müdiri a.f.d. Səbinə Məmmədovanın hesabat çıxışı dinlənilib və qəbul edilib.

Sonda bir sıra cari məsələlər müzakirə edilib.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.