Kosmik hava durumu – Proqnoz dövründə Günəş fəallığı aşağı səviyyədə olmuşdur. 2833 (N24E25, Hsx/alpha) oblastı sakit və stabil qalmışdır. STEREO A COR2-də Yerə yönələn yeni CME (Coronal Mass Ejections - Tac kütlə atılması) müşahidə olunmamışdır. Yeni CME-lərin yaranacağı təqdirdə onlar koronoqrafda müvafiq şəklinin alınması ilə araşdırılacaqdır.  

Günəşdə alışmaların baş vermə ehtimalı M sinif üçün 1%-dən çox, X sinif üçün 1%, C sinif üçün 5% dən yuxarıdır.

Yüklü zərrəciklər – Enerjisi 2 MeV-dən böyük olan elektron seli normal və aşağı səviyyədə olmuşdur. Enerjisi 10 MeV-dən böyük olan proton seli isə hesabat dövrü ərzində fon səviyyəsində qalmışdır.

Günəş küləyi – Hesabat dövründə DSCOVR kosmik apparatı vasitəsi ilə aparılan ölçmələrin nəticələri CH HSS-in (Coronal hole High Speed Stream - Tac dəliyi yüksək sürətli axınlar) mövcud olduğunu göstərmişdir. Günəş küləyinin sürəti 500 km/san. ilə 600 km/san. intervalında dəyişmiş, temperatur isə yüksək olmuşdur. Ümumi maqnit sahəsi 5 nTl, Bz komponenti isə +/- 5 nTl intervalında dəyişmişdir. Phi bucağı mənfi istiqamətdə olmuşdur.

Geomaqnit sahə – Periodun əvvəlində aktiv olan geomaqnit sahə periodun qalan hissəsində CH HSS qərarlaşdığı müddətdə əsasən dayanıqsız şəraitdə aşağı səviyyəyə düşmüşdür.

Kosmik hava proqnozu – Proqnoz dövründə (17-19 iyun) Günəş aktivliyinin aşağı olacağı gözlənilir. 17-18 iyun üçün C sinfinə aid alışmaların çox da böyük olmayan ehtimalı vardır.

Yüklü zərrəciklər – Proqnoz dövründə yüksək sürətli Günəş küləyinin daimi təsiri hesabına enerjisi 2 MeV-dən böyük olan elektron seli aşağı səviyyədən yüksək səviyyəyə kimi artacaqdır. Aktiv oblastlar olmadığı üçün enerjisi 10 MeV-dən böyük olan proton selinin isə fon səviyyəsində olacağı gözlənilir.

Günəş küləyi – Günəş küləyinin parametrlərinin 18 iyun tarixində tac dəliyinin geo-effektiv vəziyyətdən çıxmasına qədər normal olacağı gözlənilir.

Geomaqnit sahə – Geomaqnit sahənin davam edən G1 (minor) qasırğası ilə qarşılıqlı təsirdə olmayacağı gözlənilir. 17 iyun tarixində qasırğa olma ehtimalı azdır. Lakin Günəş küləyinin 500 km/san.-dən böyük olduğu üçün G1 qasırgasının baş vermə ehtimalı qalmaqdadır. 18-19 iyun tarixlərində əsasən sakit və ya dayanıqsız şəraitə keçid gözlənilir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.