Aprelin 16-da Azərbaycan Milli Elmlər Akademiyası Nəsirəddin Tusi adına Şamaxı Astrofizika Rəsədxanasının (ŞAR) Elmi Şurasının növbəti onlayn iclası keçirilib.
Elmi Şuranın sədri, AMEA-nın müxbir üzvü Namiq Cəlilov iclası giriş sözü ilə açaraq, gündəlikdə duran məsələlər barədə şura üzvlərinə məlumat verib.
Tədbirdə ŞAR elmi şöbələrinə vakant vəzifələri tutmaq üçün müsabiqə elanının vəziyyəti diqqətə çatdırılıb. Bildirilib ki, “Elm” qəzetinin 5 mart 2021-ci il tarixli sayında çap olunan elanla bağlı 10 vakant yerə 12 nəfər müraciət edib.
Vakant yerlərə sənəd verən müsabiqə iştirakçılarının çıxışları dinlənilib və müvafiq qiymətləndirmə aparılaraq qərarlar qəbul edilib.
Sonda cari məsələlər müzakirə edilib.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
