Kosmik hava durumu – Günəş fəallığı çox aşağı səviyyədə olmuşdur. Günəş diski ləkəsizdir. Koronoqraflarda CME (Coronal Mass Ejections – Tac kütlə atılması) görüntüləri əldə olunduqdan sonra analizi həyata keçiriləcəkdir.
2 MeV-dən çox enerjili elektron seli hesabat dövrü ərzində yüksək səviyyədə olmuşdur, maksimal sel 14 avqust/18.35 UTC-də 4,790 pfu şəklində qeydə alınmışdır. 10 MeV-dən çox enerjili proton seli bütün hesabat dövrü ərzində fon səviyyəsində stabil qalmışdır.
Hesabat dövründə Günəş küləyi parametrlərində sakit rejimə uyğun qiymətlər müşahidə olunmuşdur. Günəş küləyinin sürəti ortalama 450 km/san olmuşdur. Ümumi maqnit sahəsi ortalama 4 nT intervalında olmuşdur. Bz komponenti zəif dəyişmişdir. Phi bucağı əsasən dəyişkən olmuşdur.
Geomaqnit sahə, son 24 saat ərzində ümumən çox sakitdir (Kp=1, 2).
Kosmik hava proqnozu – Proqnoz dövründə (15 - 17 avqust) Günəş fəallığı çox aşağı səviyyədə qalacaq.
2 MeV-dən çox enerjili elektron selinin proqnoz dövründə (15 – 17 avqustorta səviyyəyə düşəcəyi proqnozlaşdırılır. 10 MeV-dən çox enerjili proton selinin proqnoz dövründə (15 – 17 avqust) fon səviyyələrində davam etməsi gözlənilir.
Proqnoz dövründə ilk gün (15 avqust) Günəş küləyi parametrlərinin sakit rejimə uyğun olacağı, 16 avqustdan etibarən CH HSS (Coronal Hole High Speed Streams – Tac dəliyindən çıxan yüksək sürətli axınlar) effektinin geoeffektivliyi səbəbindən nisbətən güclənəcəyi proqnozlaşdırılır.
Proqnoz dövründə ilk gün (15 avqust) sakit şərait (Kp=1, 2) proqnozlaşdırılır. Növbəti proqnoz günü (16 avqust) CH HSS effekti geoeffektiv olacağından nisbətən fəallıq (Kp=2, 3) müşahidə olunacaq. Sonuncu proqnoz günü (17 avqust) yenidən çox sakit şərait (Kp=1, 2) hökm sürəcək. Maqnit qasırğasının yaranması ehtimalı proqnoz dövründə 1%-dən aşağı qiymətləndirilir.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
