Avqust ayının 8-də AMEA N.Tusi adına Şamaxı Astrofizika Rəsədxanasında (ŞAR) növbəti astroseminar keçirilib.
Seminarın rəhbəri, f-r.ü.f.d Bayram Rüstəmov seminarı giriş sözü ilə açaraq, tədbir iştirakçılarına məruzənin mövzusu haqqında ətraflı məlumat verib.
Daha sonra seminarda ŞAR-ın “Ulduz atmosferləri fizikası və maqnetizm” şöbəsinin elmi işçisi, İsmayılova Şəfəq "HD199478 ifratnəhəng ulduzunun spektrində udulma xətlərinin dəyişməsi" mövzusunda məruzə ilə çıxış edib.
Mərizəçi HD199478 ifratnəhəng ulduzunun 2011-2015-ci il tarixlərində N.Tusi adına Şamaxı Astrofizika Rəsədxanasının 2 metrlik teleskopunda alınmış spektrləri əsasında He I ,Si II ,DNa I, C II profillərinin dəyişməsi və spektral parametrlərinin tədqiqinin nəticələrini şərh edib.
Sonda mövzu ətrafında geniş müzakirələr aparılıb, suallar cavablandırılıb.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
