Şamaxı Astrofizika Rəsədxanasında (ŞAR) parlaqlığı çox zəif olan səma cisimlərinin fotometrik müşahidələrinin aparılması üçün Zeiss-600 teleskopunun optik gücü artırılıb. Bunun üçün ŞAR-ın bir qrup əməkdaşı tərəfindən təkmilləşdirmə işləri aparılıb, teleskopda Celestron F/6.3 fokus reduktoru quraşdırılıb. Nəticədə teleskopun işıq gücü 1.6 dəfəyədək artırılıb. Bu isə daha
zəif ulduz ölçüsünə (18m-19m) malik obyektlərin, qalaktika və dumanlıqların müşahidə edilməsinə imkan verir.
M16-Qartal dumanlığı M20-NGC 6514 diffuz dumanlığı HBC 671 ulduzu
Bu cür təkmilləşdirilmədən sonra bu teleskopda ŞAR-ın da yaxından iştirak etdiyi Avropanın GRANDMA proyektinin proqramına uyğun olaraq neytron ulduzların və qara dəliklərin katostrofik alışmasının izlərinin müşahidəsi mümkün olacaqdır.
© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.
