Kosmik hava durumu - Günəş aktivliyi ən aşağı səviyyədədir. 2709 oblastı (N04E04, Axx/alpha) bir ləkəyə parçalanmışdır. Mümkün peyk görüntülərində Yerə doğru yönələn heç bir CME müşahidə olunmamışdır.

Enerjisi 2MeV-dən böyük olan elektron seli öz yüksək səviyyəsinə 12/2020 UTC-də müşahidə olunan və 14,571 pfu-ya bərabər olan pik selinə çatmışdır. 10 MeV-dən yuxarı proton seli fon səviyyəsində olmuşdur. Günəş küləyinin DSCOVR kosmik aparatı vasitəsilə ölçülən parametrləri fon səviyyəsinə yaxın olmuşdur, belə ki, hesabat dövrünün sonunda azacıq güclənmə müşahidə olunmuşdur. 13/0630 UTC-dən sonra maqnit sahəsinin ümumi intensivliyi nominal səviyyədən 10 nTl-ya qədər qalxmışdır. Mənfi Bz-in hər hansı əhəmiyyətli periodları müşahidə edilməmişdir. Günəş küləyinin sürəti 430-520 km /san olmuşdur ki, son 24 saat ərzində aşağı sürətlərə doğru müşahidə olunan tendensiyanı göstərir. Phi bucağı əsasən mənfi sektorda yönəlmişdir. Geomaqnit sahə sakit səviyyədədir.

Kosmik hava proqnozu - Günəş aktivliyinin növbəti üç gündə (13-15 may) çox aşağı səviyyədə qalması gözlənilir. 2 MeV-dən çox elektron selinin birinci gündən üçüncü günə kimi (13-15 may) orta səviyyədən yüksək səviyyədə olacağı gözlənilir. Proqnoz dövründə 10 meV-dən çox enerjili proton selinin fon səviyyəsində davam etməsi gözlənilir.

Günəş küləyi parametrlərinin yaxın üç gün (13-15 may) nominal səviyyələrində və ya ona yaxın olması gözlənilir.

Geomaqnit sahəsinin birinci gün (13 may) sakit səviyyədən nizamsız səviyyəyə qalxması gözlənilsə də, ikinci və üçüncü günlərdə (14-15 may) əsasən sakit səviyyədə qalması gözlənilir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.