NASA kosmik agentliyi “OSIRIS-REx” kosmik aparatını Florida ştatındakı Kanaveral burnundan Bennu astroidi istiqamətinə (2016) göndərdi.

Apollon astroidlər qrupuna daxil olan Bennu 1999-cu ilin sentyabrında Sokorro rəsədxanasında(ABŞ) kəşf edilib.

Astroidin orta ölçüsü 500 m-dir. Günəş ətrafında fırlanma periodu 1.2 il, böyük yarımoxu 1.13 a.v, ekssentristi 0,20385, kütləsi isə 1,4·1011·10¹⁴ kq-dır. Orbiti Marsla Venera arasında yerləşən Bennu astroidi altı ildən bir Yer orbitini kəsir.

“OSIRIS-REx” kosmik aparatı startdan sonra iki il ərzində Bennu astroidinin yanına uçacaq. Missiyanın məqsədi astroidin səthindən qrunt nümunələri gətirməkdir. Bunun üçün OSIRIS-REx astroidin üzərindəki orbitdə 505 gün xəritəçəkmə əməliyyatı aparacaq və alınan xəritələr əsasında astroidin səthindən süxur nümunələrinin götürülmə yeri təyin ediləcək.

OSIRIS-REx - in elmi avadanlığı altı cihaz blokundan ibarətdir:

1. OSIRIS-REx Camera Suite(OCAMS) - Üç çəkiliş kamerasından təşkil edilib: Birinci kamera səthin uzaqdan və yaxından detal çəkilişlərini  aparır; ikinci kamera dörd spektral sahədə çəkiliş aparır və nəticədə astroidin üç ölçülü modeli qurulacaq; üçüncü kamera suxurların yığılmasının mütəmadi çəkilişini aparacaq.

2. OSIRIS-REx Laser Altimeter(OLA) - Bu blokun vasitəsilə asteroid səthinin topoqrafik planı tərtib edilir və süxur götürülən nöqtələrin profili öyrənilir. Alınan məlumat asteroidin qravitasiya xəritəsinin qurmasında istifadə olunur.

3. OSIRIS-REx Visible and IR Spectrometer(OVIRS) – bu spektroqraf vasitəsilə asteroidin səthində üzvi və qeyri-üzvi maddələrin paylanmasının xəritəsi qurulacaq.

4. OSIRIS-REx Thermal Emission Spectrometer Spectrometer(OTES) – uzaq ifraqırmızı oblastda işləyən spektroqrafdır (4-50 mkm). Spektroqrafın əsas funksiyası asteroidin səthinin termal və mineral tərkibi xəritələrinin  qurulmasıdır.

5. Regolith X-ray Imaging Spectrometer(REXIS) - mülayim rentgen şüalarında (0.3-7.5  kev)  işləyən spektroqrafdır. O, səthin kimyəvi  tərkibini öyrənir. Asteroidin səthi  Günəşdən yayılan rentgen şüalarını udur və bir qismini yenidən şualandırır. Spektrometrin girişində yerləşən xüsusi kodlaşdırma maskaları isə rentgen teleskopu rolunu oynayır.