Avropa Birliyinin Tədqiqat və İnnovasiya Proqramı olan "HORİZON 2020" tərəfindən maliyyələşdirilən 823734 nömrəli Marie-Sklodowska-Curie Qrant razılaşması çərçivəsində Estoniyanın Tartu Rəsədxanasının İnformasiya Texnologiyaları üzrə baş mütəxəssisi Tönis Eenmae N.Tusi adına Şamaxı Astrofizika Rəsədxanasında (ŞAR) elmi ezamiyyətdədir.

Eston mütəxəssis ilk öncə ŞAR-da spektral və fotometrik müşahidələrin aparılması zamanı istifadə olunan müasir qurgularla və müşahidə materiallarının işlənməsi zamanı istifadə olunan proqram qovluqları ilə tanış edilib. İnfratstrukturu bəyənən qonaq, ŞAR-da göy cisimlərinin müşahidələrinin aparılması zamanı istifadə olunan qurğuların hal-hazırkı standartlara uyğun olduğunu vurğulayıb.

Qeyd edək ki, 1 aylıq elmi səfərin əsas məqsədi Şamaxı Astrofizika Rəsədxanası üçün "Database" yaradılmasıdır ki, xarici ölkələrin astronomları üçün əlçatan verilənlər bazasının mövcudluğu da öz növbəsində ŞAR-ın beynəlxalq əlaqələrinin daha da genişlənməsinə səbəb olacaqdır. Bu istiqamətdə artıq uzun müddətdir ki, Tartu Rəsədxanasının astronomları ilə geniş müzakirələr aparılır və konkret əməkdaşlıq planlarları nəzərdən keçirilir.

© Bütün hüquqlar qorunur. Xəbərlərdən istifadə edərkən www.shao.az saytına istinad zəruridir.